Wika ng karunungan, ipinagdiwang ng Claret

Ipinagdiwang ng paaralang Claret ang Bu­wan ng Wikang Filipino 2016 na may temang “Ang Wikang Filipino: Wika ng Karunungan.” noong ika-22 ng Agosto hanggang unang araw ng Setyembre sa pangunguna ng Filipino Area.

“Ang kahalagahan ng tema ngayong taon ay nai­pakikita at naipamamalas ng mga Claretiano sa pa­giging intelektwalisado sa ating sariling wika sa pama­magitan ng iba’t ibang aspe­kto. Sa tulong ng iba’t ibang gawain ay naitanghal natin ang angking kahusayan at kagalingan ng mga Claretia­no,” pahayag ni Bb. Jiellian Enano. Kasama rin niya bilang punong tagapamahala si G. Glen Agoncillo sa nasabing pagdiriwang.

Ang Batch PiyesTagisan ang naging highlight ng pagdiriwang ito. Ito ay pa­timpalak sa pagdidisenyo ng pasilyo ng bawat baitang ayon sa piyestang kanilang nabunot. Ang Masskara ng ikalabindalawang baitang ang nakakuha ng Unang Gan­timpala, habang ang Panag­benga naman ng ikasampung baitang sa Ikalawang Gantimpala, at Higantes ng ikapitong baitang para sa Ikatlong Gantimpala. Ang Ati-ati­han, Pahiyas, at Sinulog naman ang mga pistang itinanghal ng ikawalo, ikasiyam, at ikalabing-isang baitang, ayon sa pagkakasunod-sunod.

Nagkaroon din ng mga paligsahang susubok sa talento at talino ng mga Claretiano sa lahat ng baitang. Pina­rangalan ang mga nanalo noong ika-31 ng Agosto at ika-1 ng Setyembre sa AVR.

Ang mga sumusunod ang nagkampeon sa kani-kanilang paligsahan:

Mimesis: Philippe Fabian at Austin Basconcillo

Masining na Pagkukwento: Enrico Garcia

Pagsulat ng Tula: John Agpawa

Hugot Wika: Patrick Salvador, Lorenzo Teran at Neil Trinidad

Paggawa ng Poster: James Habon

Pagsulat ng Sanaysay: Dwight Palma

Patinikan: Karl Aquino, Antonith Telesforo at John Cuepo

Paggawa ng Maikling Pelikula: Isaiah Mercader, Juan Medenilla, Lyon Guico, Rex Morales at James Carpina

#BuwanngWika #Filipino