CBS, may mga bagong namumuno

Noong nakaraang Hulyo, muling na­rinig ang tinig ng mga mag-aaral sa Mataas na Paaralan ng Claret nang matagumpay na maidaos ang taunang halalan ng Central Board of Students, o mas kilala sa tawag na CBS, para sa kanilang ex­ecutive board sa kasalukuy­ang taong pampanuruan. Sa unang pagkakataon, nag­wagi sa naturang halalan ang isang babaeng mag-aaral mula sa ikalabing-isang baitang.

Sa isang panayam sa tagapayo ng Central Board of Students na si G. Jeffer­son Zabala, kanyang naipa­hayag ang kanyang pagiging optimista sa bagong tatag na executive board ng CBS. Ayon sa kanya, karamihan sa mga nahalal na mag-aaral ay batikan at subok na sa larangan ng pamumuno ngunit naniniwala rin siya na ang mga nahalal na ba­guhan pa lamang sa nasa­bing larangan ay makapag­dadala ng mga bagong ideya at konsepto na magiging kapaki-pakinabang sa mga gawain at proyekto ng sa­mahan.

Sa pagkakadagdag ng Senior High School sa kurikulum ng paaralan, naniniwala si G. Zabala na nakatulong ito sa paghatid ng mga student-leader mula sa ibang paaralan na siya ring makatutulong upang maging mas malawak ang kaalaman at kapasidad ng organisasyon. Sa pagtata­pos ng panayam, sinigurado ni G. Zabala na sa kanyang termino bilang tagapayo ng organisasyon, pagsusumi­kapan ng Central Board of Students na higit pang ma­pagbuti ang mga taunang proyekto nito at makabuo ng mga bagong proyekto na tiyak na makatutulong sa loob at labas ng institusyon.

Isa sa mga gawain ng CBS ay ang pagdaraos ng mga taunang proyekto hindi la­mang para sa institusyon, kundi para na rin sa mga katuwang nitong komuni­dad na tumutulong sa mga iba’t ibang sekta ng lipunan, lalo na ang mga nasa abang kalagayan. Ilan lamang sa mga proyekto ay ang Load ‘Em Up, Unang Hirit, TuK­las, Gratitude Day, IHMP Christmas Party, Libreng Tuli, HaGupit, at Huling Hirit.

Narito ang mga pangalan ng mga nagwaging kandidato sa bawat baitang:

Ikapitong baitang: Aiji Alvior, John Aquino

Ikawalong baitang: Sean Evangelista, Alfonzo Flores

Ikasiyam na baitang: Rufino Aresta, Kristoffer De Leon

Ikasampung baitang: Renzo Bartolome, Karl Capulong, Nicoli Maduramente

Ikalabing-isang baitang: Andre Amorin, Edward Angeles, Krizia Estrella, Dwight Palma, Paolo Quintana

Ikalabindalawang baitang: Timothy Arambulo, Amiel Bicaldo, Gabriel Gatchalian, Matthew Limbo, Vincent Millora

#CBS #Elections